Gizartea -
Poliziak gizon bat atxilotu du
Liskar batean izandako tiroengatik gazte bat hil da Valtierran
Lehen ikerketan arabera, su-arma baten tiroengatik 22 urteko gazte bat hil da goizaldean, Nafarroako Valtierra herrian liskar baten ondorioz.
Erredakzioa
Heriotza goizaldeko 6.53an gertatu da, Nafarroako Valtierra herrian. Dirudienez, su-arma baten tiroengatik hil da.
Gizonezko bat jada atxilotua izan da gertakari honengatik eta Tuterako Foruzainen komisaldegian dago, Nafarroako Gobernuak ohar baten bitartez jakitera eman duenez.
Lehen ikerketen arabera, hildakoa Arguedas herriko 22 urteko gazte bat da. Kalean gertatu da tiroketa, liskar baten ondorioz, taberna baten kanpoaldean, Valtierrako Foru plazan.
Udaletxeak ez ohiko bilkura bat deitu du eta Polizia gertatutakoa ikertzen ari dira.