Emaztea eta alaba atxilotuta, senarraren maitalea bahitzeagatik

Guardia Zibilak emakume bat eta 15 urteko bere alaba atxilotu ditu Oviedon, ustez 29 urteko emakume bat bahitzeagatik, senarraren maitalea zela eta.

Polizia haren bila zebilela, biktimak furgoneta barrutik bere ustezko maitaleari deitzea lortu zuen eta norantz zihoazen jakinarazi zion. Gizonak El Cascayu izeneko gune batean aurkitu zituen hirurak, eta biktima askatzea lortu zuen.

Ondoren Guardia Zibila iritsi zen eta bahitutako emakumea ongi zegoela konprobatu ostean, ama eta alaba atxilotu zituzten.

Biktimak esan duenez, bi emakumeek kolpeak eman zizkioten eta guraize batzuekin ilea moztu zioten.