Gizon bat atxilotu dute, Arabako enpresa batean 600 000 euro inguru lapurtzeagatik

Ertzaintzak 35 urteko gizon bat atxilotu du Araban, enpresa batean lapurreta egitea leporatuta. Arrastatu duten gizonak, dirudienez, lan egiten zuen enpresak kudeatzen zituen balio handiko produktu industrialak lapurtzen zituen, eta Madrilgo birziklatze enpresa bati akastun material gisa saldu.

Operatiboa Guardia Zibilaren laguntzaz burutu da, eta egiaztatu da lapurtutako materialaren balioa 600.000 euro ingurukoa dela.

Ertzaintzak maiatzaren hasieran jakin zuen Araban dagoen enpresa batean egin berriak ziren produktu industrialak lapurtzen ari zirela, eta enpresak 600.000 euro inguruko galerak izan zituela horren ondorioz. 

Segurtasun Sailaren informazioaren arabera, lapurretak 2021eko urtarrilean hasi ziren, eta sei alditan egin zituzten.

Ikerketa polizialari esker jakin ahal izan da enpresako langileetako bat zela ustezko lapurra. Antza, gizonak bezeroei bidaltzeko prestatzen zen zama bakoitzetik produktu batzuk erretiratzen zituen, eta enpresan gutxi erabiltzen den toki batean pilatzen zituen. Nahikoa zituela usten zuenean, erosten zizkion Madrilgo enpresarekin harremanetan jartzen zen, eta Madriletik furgoneta bat bidaltzen zuten materiala jasotzeko. Dirutan ordaintzen zioten adostutako kopurua. Ustezko lapurrak enpresako segurtasun-kameren funtzionamendua eta alarma kontrolatzen zituen. 

Hala, Ertzaintzak ekainaren 1ean atxilotu zuen susmagarria, 35 urteko gizona, lan egiten zuen enpresan bertan, indarra erabiliz enpresan lapurreta egitea eta ebastea leporatuta.