Kordobako gotzainak dio hedabideek sexu-harremanak sustatzen dituztela

Demetrio Fernandez Kordobako gotzainak salatu du sexu-harremanak sustatzen dituztela "etengabe" komunikabideek, filmek, telebistak eta "baita Bigarren Hezkuntzako eskola askok ere, eskola programaren barruan".

Asteroko gutunean azaldu duenez, erromatarren inperiotik gizakiaren "zintzotasuna eta kastitatea galdu da".

Fernandezen esanetan, "sexualitatea ondo bideratzen denean, pertsona armonian bizi da bere buruarekin eta gainerakoekin, probokazioa eta indarkeria saihestuz".

Baina, sexualitatea "desbideratzen denean, eskuan lehergailua izatea bezala da, edozein momentutan egin dezake eztanda eta daraman pertsona zauritu".