Gizartea -

genero indarkeria

Diego 'El Cigala' flamenko-kantaria atxilotu dute genero indarkeria leporatuta

Espainiako Poliziak Atotxako (Madril) hotel batean atxilotu du abeslaria; Jerez de la Fronteran izandako tratu txarren delitu bat egotzi diote.

Diego 'El Cigala' kontzertu batean. Argazkia: flickr|vilanovailageltru
Diego 'El Cigala' kontzertu batean
Diego 'El Cigala' kontzertu batean. Argazkia: flickr|vilanovailageltru

eitb media

Whatsapp Facebook Twitter Telegram Email

Espainiako Poliziak Diego Ramon Jimenez Salazar El Cigala flamenko-kantaria atxilotu du Madrilgo hotel batean, Jerez de la Fronteran (Kadiz, Espainia) gertautako genero indarkeriazko delitu batengatik, ikerketako iturriek Efe agentziari esan diotenez.

Bart gauean gertatu da atxiloketa Catalonia Atocha hotelean, Espainiako hiriburuko Atocha kaleko 81. zenbakian.

52 urteko abeslariak Zentroko polizia-etxean igaro du gaua.

Jerez de la Fronteran izandako tratu txarren delitu bat leporatu diote. Bertan bizi da abeslaria.

Ez da Poliziak Diego El Cigala atxilotzen duen lehen aldia, eta 2014an Madrilgo 12 zenbakiko Instrukzio Epaitegiak zigortu egin zuen, hegaldi-azafata bati mehatxu egiteagatik.

El Cigalak 25 urte baino gehiagoko ibilbidea du musikan, hamabi eskoizpen diskografiko ditu eta Grammy sarietarako hainbat izendapen eta platinozko diskoak jaso ditu.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Indarkeria matxista Delituak Gizartea Eguneko albisteak Albisteak

Informazio gehiago