65 pertsona salatu dituzte Gasteizko diskoteka batean, osasun neurriak urratzeagatik

Gasteizko Udaltzaingoak diskoteka bateko bezeroen aurka 65 salaketa aurkeztu ditu, osasun neurriak urratzea egotzita. Era berean, ostalaritza lokaleko jabea salatu dute udaltzainek.

Udaleko iturriek jakitera eman dutenez, Udaltzaingoak Alaba Jeneralaren kaleko ostalaritza lokal batean eraman zuen aurrera dispositiboa, ostiralean. Bezeroak covid-19 pandemiaren aurka borrokatzeko araudia urratzen ari zirelakoan bertaratu ziren udaltzainak.

Udaltzainek pertsona ugari maskararik gabe aurkitu zituzten diskoteka barruan, besteak beste.

Horregatik, 65 salaketa jarri zituzten, horietako bat diskotekaren jabeari.