Gizartea -

DESAGERTUTAKO PERTSONAK

Onik aurkitu dute Leitzan desagertuta zegoen 35 urteko gizonezkoa

Desagertutako gizonezkoaren anaia batek eman zuen desagerpenaren berri; izan ere, 22:00etan ez zen lanera joan.

EITB MEDIA | AGENTZIAK

Whatsapp Facebook Twitter Telegram Email

Astelehen iluntzetik desagertuta zegoen 35 urteko leitzarra onik topatu dute, Euskadi Irratiak jakitera eman duenez.

Desagertutako gizonezkoaren anaia batek eman zuen desagerpenaren berri, 22:00etan lanera joan ez zela ikusita.

Antza, 35 urteko gizonezkoa, ohi bezala, Leitzalarreko basoetan barrena dagoen Ixkibar aldean buelta bat emateko asmoz irten zen etxetik, Leitzako herrigunetik 8 bat kilometrora dagoen parajean, hain zuzen ere.

Atzo gaueko lehen orduetan aurkitu zuten haren autoa Ixkibarko aparkalekuan, eta 23:00ak aldera Leitzako suhiltzaile boluntarioek, Cordovillako parkeko suhiltzaile boluntarioek eta Erreskate Teknikoko Taldeak hura bilatzeari ekin zioten. Foruzaingoak, Salbamendu Txakurren Taldeko boluntarioak eta Leitzako senideak eta bizilagunak ere aritu dira bilaketa lanetan, baita helikoptero bat eta Guardia Zibileko agenteak ere.

Desagertuaren gertukoek astearte eguerdian jakinarazi dutenez, onik agertu da.

Hau zure interesekoa bada, baliteke beste gai hauek ere izatea
Nafarroako albisteak Gizartea bideoak Eguneko albisteak Gaurko azken ordukoa Desagertutako pertsonak gaur