Gizartea -
Gertakaria
Ustezko heroina-trafikatzaile bat atxilotu dute Getxon
Bost gramo droga, 100 euro, balantza digitala eta ibilgailu bat atzeman dizkiote. Udaltzaingoak denbora zeraman gizonaren atzetik.
Erredakzioa
Getxoko Udaltzaingoak gizonezko bat atxilotu du droga trafikoa leporatuta eta bost gramo droga, 100 euro, balantza digitala eta ibilgailu bat atzeman dizkiote.
Udalak jakitera eman duenez, Udaltzaingoak denbora zeraman gizonaren atzetik. Algortara joan eta toxikomanoekin jartzen omen zen harremanetan egunero 13:00 eta 15:00ak artean. Haiekin hitz egin eta zerbait trukatu ondoren ospa egiten omen zuen.
Hori horrela, iragan ostiralean, kalez jantzitako agenteek ustezko trafikatzailea jarraitu zuten eta droga saltzen ari zen momentu batean atzeman zuten.
Hau zure interesekoa bada, baliteke beste gai hauek ere izatea