Gizartea -

Koronabirusa

Berrogeialdia egin beharko dute Mallorcan ikasbidaia egin dutenek

Gainera, alerten lantaldeak bertara ez joateko deia egin die oraindik abiatu ez diren ikasleei, kutsatzeko "arriskua altua" delako.

PCR testa. Argazkia: Efe
PCR testa. Argazkia: Efe
PCR testa. Argazkia: Efe

agentziak| eitb media

Whatsapp Facebook Twitter Telegram Email

Mallorcan ikasbidaia egin dutenek edo egiten ari direnek koronabirusa atzemateko proba eta 10 eguneko berrogeialdia egin beharko dute itzuleran, oraingoz 349 positibo eragin dituen agerraldiaren ostean. Positibo horietatik, gutxienez 49 Donostiako zenbait eskolatako ikasleenak dira.

Horixe erabaki du alerten lantaldeak, Espainiako Osasun Ministerioa eta erkidegoak barne hartzen dituenak. Agerraldiaren berri izan dutenean deitu dute lantaldearen batzarra, EAEko ikasleez gain, Madrilgo Erkidegokoak, Valentziakoak, Aragoikoak eta Murtziakoak ere baitaude.

Oraingoz 394 kasu dira agerraldiarekin lotutakoak, eta guztiak dira ekainaren 12tik 18ra Mallorkan izandako ikasle bidaiekin zerikusia dutenak.

Mallorcako ikasbidaietan parte hartzen ari diren edo parte hartu duten ikasleak gertuko kontaktutzat hartzeaz gain, lantaldeak bertara ez joateko deia egin die oraindik abiatu ez diren ikasleei, kutsatzeko "arriskua altua" delako.

"Kasuak atzematen ari diren lekuan kutsatzeko arriskua altua da", adierazi dute lantaldea osatzen dutenek, Osasun Ministerioak jakitera eman duenez.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea
Donostia Gaixotasunak Gizartea Eguneko albisteak Albisteak Hezkuntza Osasun albisteak Bidaiak Koronabirusa