Publizitatea
Itxi

2021/06/29

14:51

Gizartea

KORONABIRUSA

Intzidentzia-tasa metatua pixka bat igo da Euskadin, 104tik 105era

Naiara Ballesteros | EITB MEDIA

Covid-19aren birsorkuntza-tasa (R0) 1,08an mantendu da, eta positibo berriak 174ra igo dira, aurreko eguneko 142ekin alderatuta.

  • Osasun-langile batek PCR bat egiten dio gizon bati

    Osasun-langile batek PCR bat egiten dio gizon bati. Artxiboko argazkia: EFE.

  • Whatsapp
  • Whatsapp
  • Telegram
  • Bidali

Pandemiaren intzidentzia-tasa metatua apur bat igo da Euskadin, 104,10etik 105,56ra, 100.000 biztanleko 14 egunetan. Covid-19aren birsorkuntza-tasak (R0) 1,08an jarraitzen du, eta positibo berriak 174ra igo dira, aurreko egunean 142 izan ondoren.

Zainketa intentsiboetako unitateetako okupazioak behera egiten jarraitzen du: 32 pertsona (3 gutxiago) egoera kritikoan daude, baina covid-19a duten gaixoen kopurua 64raino igo da (16 gehiago). Gainera, 25 pertsona ospitaleratu behar izan dituzte azken 24 orduetan.

Osasun Sailaren buletin epidemiologikoaren azken datuen arabera, astelehen honetan 6.676 proba diagnostiko egin dituzte, igandean 4.821 egin ostean, eta 174 positibo berri atzeman dituzte, aurreko egunean baino 32 gehiago. Hala, positiboen tasa % 2,9tik % 2,6ra jaitsi da.

Datuak lurraldez lurralde aztertuta, igande honetan positibo gehiago izan dira hiru lurraldeetan. 83 kasu berri atzeman dituzte Bizkaian, 63 Gipuzkoan eta 22 Araban. Horiez gain, Euskal Autonomia Erkidegotik kanpo bizi diren sei pertsona kutsatu dira.

Atzo atzemandako positiboetako 83k 19 eta 39 urte artean zituzten; 40 eta 64 urte arteko tartean 42 kasu berri detektatu zituzten, eta 37 positibo 0 eta 18 urte artekoak ziren. Gainerako positiboak 65 urtetik gorakoen artean detektatu dituzte.

Intzidentzia-tasa metatua apur bat igo da Araban, 94,49tik 95,09ra, eta gehiago Gipuzkoan, 89,25 kasutik 93,14ra; Bizkaian, berriz, bere horretan geratu da, 111,48 kasukoa baita.

17 eta 18 urtekoen artean, intzidentzia-tasa metatuak gora egiten jarraitzen du, atzo 100.000 biztanleko 807,6 kasu zenbatu baitzituzten. Datu hori ez dator bat 65 urtetik gorakoen intzidentziarekin, 22 kasu baino gehixeago izan baitira.

Zumaia da Euskadin kutsatzeko arrisku larrian dagoen 5.000 biztanletik gorako herri bakarra, 400 kasu baino gehiago baititu 100.000 biztanleko.

Gaixotasunaren hedapenak bere horretan jarraitzen du, R0 indizea 1,08an baitago. Araban, 0,92an dago, aurreko eguneko maila berean; Bizkaian okerrera egin du (0,93tik 0,95era), eta Gipuzkoan, berriz, hobera (1,49tik 1,43ra), nahiz eta oraindik ere birsorkuntza-tasarik txarrena duen lurraldea den.

Gainera, intzidentzia-tasen arrazoiak (egungo 14 egunetan metatutako intzidentzia-tasa duela astebetekoarekin alderatzen du) okerrera egin du berriro, 0,91tik 0,94ra igaro baita.

Atzo 32 pertsona zeuden ZIUetan, bezperan baino hiru gutxiago, baina gela arruntetan kopuruak gora egin du, 48tik 64ra. Ospitaleratzeen kopuruak ere gora egin du, 11tik 25era.

Bestalde, Gotzone Sagardui Osasun sailburuak gaur eguerdian jakitera eman ditu, Gobernu Kontseiluaren bileraren ostean, Mallorcara egindako bidaiarekin zerikusia duten pertsonen baheketari buruzko azken datuak. Osakidetzak, orain arte, 189 kasu positibo atzeman ditu agerraldi horrekin lotuta.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;