Gizartea -

Segurtasuna

Indarrean sartu dira V-16 larrialdi-argiak, triangeluak ordezkatzen dituztenak

Dena dela, 2026ko urtarrilaren 1era arte ez da derrigorrezkoa izango. Argi-seinalea ibilgailuaren goreneko aldean jarri beharko da, ahalik eta gehien ikus dadin.

Arriskua adierazteko ohiko triangeluaren ordez V-16 seinalea jar daiteke.
Arriskua adierazteko ohiko triangeluaren ordez V-16 seinalea jar daiteke.
Arriskua adierazteko ohiko triangeluaren ordez V-16 seinalea jar daiteke.

Agentziak | EITB MEDIA

Whatsapp Facebook Twitter Telegram Email

Ostegun honetan, uztailak 1, indarrean sartu dira errepidean sortutako arriskuaz ohartarazteko erabili beharko diren V-16 argiak. Gailu berriak, laranja koloreko argia islatzen du, eta 1999az geroztik larrialdietan erabili izan diren triangeluak ordezten ditu.

Gaurtik aurrera, beraz, arriskua adierazteko ohiko triangeluaren ordez argi-gailu bat (V-16 seinalea) jar dezakete gidariek, errepidean geldirik gelditu den ibilgailuaren goreneko aldean. Bi gailuak -triangeluak eta V-16 seinalea- 2026ko urtarrilaren 1era arte erabili ahal izango dira, baina, hortik aurrera, arriskuaz ohartarazteko erabili ditugun triangeluak desagertuko dira.

Horrela, ibilgailu bat errepidean geratuta geratzen bada, argi-seinalea ibilgailuaren goreneko aldean jarri beharko da, ahalik eta gehien ikus dadin. Trafikoko Zuzendaritza Nagusiak nabarmendu duenez, tresna hori jartzeko ez da beharrezkoa ibilgailutik ateratzea, ez eta errepidetik ibiltzea ere, gainerako ibilgailuen zirkulazioa saihestuz, lehen triangeluekin gertatzen zen bezala.

Gainera, V-16 larrialdi-argiek geolokalizazio-sistema bat dute, eta, sistema hori aktibatu ondoren, 100 segundotik behin ibilgailuaren kokapen zehatza igortzen du DGT 3.0 izena duen zerbitzura, informazio hori gainerako gidariengana iris dadin.

V-16 seinale berriaren erabilera, bide publikoetako laguntza-zerbitzuak arautzen dituen Errege Dekretuan jasota dago. Horren arabera, "arau orokor gisa", errepidetik kanpo leku seguru bat badago eta zirkulazioaren fluxuaren kontrako aldean, ibilgailutik aterako da. Segurtasunez irteterik ez badago, aldiz, ibilgailuan itxaron beharko da, segurtasun-uhala jarrita.

Trafikoko datuen arabera, 2019 eta 2020 artean 28 pertsona hil ziren bidean harrapatuta, ibilgailutik jaitsi ostean.

Hau zure interesekoa bada, baliteke beste gai hauek ere izatea
Trafiko Istripuak Trafikoa Bilbo Donostia Bizkaia Gipuzkoa Araba Euskal Autonomia Erkidegoa Espainiako Gobernua Espainia Gizartea Bilbo erdialdeko sarbidea Trafiko webkamerak Eguneko albisteak Gasteiz Albisteak A-8 Autobidea AP-68 autobidea Trafiko istripuen biktimak