Gizon bat bere arreba bahitzen saiatu da Bilbon

Gizon bat bere arreba bahitzen saiatu da Bilbon asteazken honetan, eta Ertzaintza gertakaria ari da ikertzen, EITB Mediak jakin ahal izan duenez. Baliteke bahiketa-ahaleginaren eragingarria lapurreta bat izatea; ustezko erasotzailea auto batean sartu du biktima, baina emakumea ibilgailutik irten da.

Asteazken honetako 10:30 aldera jazo da, Manuel Allende kaleko garaje batean, Bizkaiko hiriburuan. Gizonak emakumea atzeman du, eta autoan sartu du. Biktimak, aldiz, garajetik irtenda, ibilgailutik jauzi egin du; horren ondorioz, zauritu da, eta, gerora, jasandako lesioengatik artatu dute.

Erasotzailea Areilza Doktorearen kalean utzi du autoa, eta bertatik joan da.

Emakumeak salaketa jarri du, eta Ertzaintza ikertzen ari da.