Gizartea -

Hilketa matxista

Gizon batek bikotekidea hil du Malagan, eskopeta batekin tiro eginda

Lehen ikerketen arabera, gizonak bere bikotekidea, 46 urteko emakumea, hil du eskopeta batekin tiro eginda eta ondoren bere buruaz beste egin du.

EITB MEDIA

Whatsapp Facebook Twitter Telegram Email

Gizonezko batek bikotekidea, 46 urteko emakume bat, hil du Malagan. Polizia Nazionalaren arabera, gizonak eskopeta batekin egin dio tiro, eta, ondoren, bere buruari egin dio tiro. Bere heriotza ere baieztatu egin da.

Ostegun honetako 08:50ak aldera, Andaluziako 112 Larrialdi Zerbitzuak hainbat dei jaso ditu Fernan Nunez kalean bi pertsonen artean tiroak entzuten zirela ohartarazteko

Polizia Nazionalak ikerketa abiatu du hilketaren nondik norakoak argitzeko. Lehen datuen arabera gizonezko batek bere bikotekide sentimentala hil du.

Ikerketaren arabera, 55 urteko gizon batek bere bikotekideari eskopeta batekin tiro egin dio, ondoren bere buruari arma berarekin tiro egiteko. Gizonaren heriotza ere baieztatu du Poliziak

Polizia Nazionalak zehaztu duenez, aurrez ez dago genero indarkeria salaketarik. Biktimak eta haren bikotekideak bi urte zeramatzaten elkarrekin bizitzen.

Tratu txarrak pairatzen badituzu edo kasuren bat ezagutzen baduzu, kontuan hartu gida honetako aholkuak eta / edo deitu doako telefono hauetako batera: 900 840 111 (Euskadin) edo 016 (Estatu osoan). Ez dute fakturan arrastorik uzten, baina bai telefonoan. Beraz, ez ahaztu ezabatzea.
Hau zure interesekoa bada, baliteke beste gai hauek ere izatea
Tratu txarrak umeak Indarkeria matxista Espainian Gizartea bideoak Indarkeria matxista Prentsa digitalaren azken orduko Albisteak Mundu matxista

Informazio gehiago