Publizitatea
Itxi

2021/07/16

11:49

Gizartea

Koronabirusa

Astelehenean ez dute txertorik jarriko Illunben, egun horretarako "dosi gutxi" baitaude

Agentziak | EITB Media

Astelehenerako gordeta zituzten txertoak asteko beste egun batzuetan jartzea erabaki du Osakidetzak. Asteartean dosi gehiago helduko direnez, Donostiako txertaketa guneak ohiko jarduera berreskuratuko du.

  • Illunbeko txertaketa gunea. Artxiboko argazkia: EFE

    Illunbeko txertaketa gunea. Artxiboko argazkia: EFE

  • Whatsapp
  • Whatsapp
  • Bidali

Osasun arloko profesionalek ez dute koronabirusaren aurkako txertorik jarriko astelehen honetan Illunben; izan ere, "dosi gutxi" daude egun horretarako. Ildo horretatik, astelehenerako gordeta zituzten txertoak asteko beste egun batzuetan jartzea erabaki du Osakidetzak. Nolanahi ere, instalazioak irekita egongo dira.

"Astelehenetan dosi gutxiago izaten ditugu, txertoak astearteetan heltzen direlako Euskadira", azaldu du Osasun Sailak. Hala, asteko lehen egunean, "jende gutxiagori" jartzen zaio txertoa Donostiako zentroan, "aurreko beste aste askotan bezala".

Horrenbestez, covid-19aren aurkako dosi gutxiago dituztenez, astelehenerako aurreikusita zeuden txertoak asteko beste egun batzuetan jartzea erabaki dute.

Asteartean koronabirusari aurre egiteko txerto gehiago jasotzea espero du Osakidetzak, beraz, Donostiako txertaketa guneak ohiko jarduera berreskuratuko du.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;