Gizartea -
KORONABIRUSA
LABI teknikoa bilduko da gaur, neurriak zorroztearen aukera mahai gainean duela
Ostegunean da batzekoa LABI instituzional edo politikoa, eta adituek egindako proposamena izango du aztergai.
E. G. | EITB MEDIA
LABIren batzorde teknikoa osatzen duten adituek bilera dute gaur, 10:00etan hasita, pandemiak Euskal Autonomia Erkidegoan (EAE) hartu duen bidea aztertu eta horren araberako neurriak proposatzeko.
Kutsatzeek gorako bidean jarraitzen dute, eta kasuak ospitaleetara heltzen hasi dira. Horrenbestez, indarrean dauden neurriak zorroztu behar diren zehaztuko dute adituek.
LABIren aholku batzordea ostegunean da biltzekoa, eta teknikariek egindako txostena izango dute oinarri erabakia hartzeko.
Murrizketa gehiago behar direla uste du, hain justu, Felix Zubia Donostia Ospitaleko ZIUko zerbitzuburuak. Lege mailako eztabaidak alde batera utzita, "neurriak hartu beharko lirateke", bere iritziz, "dena libre uztea gehiegizkoa delako".