Gizartea -
indarkeria matxista
Gizon bat atxilotu dute Gasteizen, emakume bati baimenik gabeko ukituak egiteagatik
Larunbat gauean, 31 urteko atxilotua biktimarengana eta lagun batengana hurbildu zen, eta, metxero bat eskatzeko aitzakiarekin, gizonak zentzu sexualarekin ukitu zuen emakumea, honen baimenik gabe. Atxilotu eta epailearen esku utzi zuten.
agentziak | eitb media
Gasteizko Udaltzaingoak 31 urteko gizon bat atxilotu zuen joan den larunbatean, emakume bati sexu-abusua egitea egotzita, Udaleko iturriek jakitera eman dutenez.ç
Goizaldeko 02:00ak aldera, gizonezkoa biktima eta lagun batengana hurbildu zen Amarika Plazan, eta, metxero bat eskatzeko aitzakiarekin, emakumeari sorbalda batetik heldu zion eta "ukituak egin zizkion, haren baimenik gabe", aipatu iturrien arabera.
Une jakin batean, bi emakumeek erasotzaileari ihes egitea lortu zuten, eta lagun batzuei deitu zieten, erasotzailea aurkitzen laguntzeko; udaltzainek atxilotu ahal izan zuten eta, ondoren, epailearen esku utzi zuten.