Publizitatea
Itxi

2021/07/20

08:26

Gizartea

KORONABIRUSA

Kutsatzeek gora egin dute berriro Nafarroan, 400eko langa igarota

Eider Garaikoetxea O. | EITB MEDIA

Espainiako Estatuan pilatutako tasa handienetakoa du Foru Erkidegoak: 892 kasu 100.000 biztanleko.

  • Nafarroako Unibertsitateko frontoian paratutako txertaketa gunea.

    Nafarroako Unibertsitateko frontoian paratutako txertaketa gunea. Argazkia: EFE

  • Whatsapp
  • Whatsapp
  • Bidali

Astea abiatzearekin batera, ohi bezala, gora egin du kutsatzeen kopuruak Nafarroan. Astelehen honetan, 438 positibo berri zenbatu dituzte, Foru Gobernuak emandako behin-behineko datuen arabera.

Bezperan baino 39 gehiago dira, baina duela astebete baino 46 gutxiago eta duela 14 egun baino 13 gutxiago.

Azken egunetan bezala, Iruñerrian atzeman dituzte positibo gehien (148); Azpilagaña auzoan, esaterako, 20 kutsatze zenbatu dituzte. Lizarran 17 atzeman dituzte, eta Tuteran, 16. Gainerakoan, Iruñeko Arrotxapean eta II. Zabalgunean 15na kasu hauteman dituzte.

Espainiako Estatuan 100.000 biztanleko 14 eguneko intzidentzia-tasa metatu handienetakoa du Foru Erkidegoak: 892. Kutsatzeen soka eteteko asmoz, egoera makurrena duten herrietan etxeratze agindua ezarri nahi du Chiviteren Gobernuak, baina epaileen baimena behar du horretarako. Nafarroako Auzitegi Nagusiak gaur eman lezake ebazpenaren berri.

 

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;