Gizartea -

Koronabirusa

Positibo berriak 1000tik behera jaitsi dira, baina ospitaleetako presioak bere horretan jarraitzen du

Covid-19aren ondorioz 46 pertsona ospitaleratu zituzten atzo, eta koronabirusa duten 56 pertsona ZIUn daude.

Galdakaoko Ospitalea. Artxiboko argazkia
Galdakaoko Ospitalea. Artxiboko argazkia
Galdakaoko Ospitalea. Artxiboko argazkia

Eriz Lotina | EITB MEDIA

Whatsapp Facebook Twitter Telegram Email

Euskal Autonomia Erkidegoan (EAE), 942 positibo berri zenbatu dituzte, bezperan baino 264 gutxiago, egindako 7.206 proba diagnostikoetan, eta positibo tasa %13,1 izan da. Positibo berrien kopurua uztailaren 13az geroztik txikiena da.

Lurraldeen arabera, positibo berriak 101 Araban, 508 Bizkaian, 312 Gipuzkoan eta 21 Euskaditik kanpo bizi diren pertsonetan baieztatu dituzte, Eusko Jaurlaritzako Osasun Sailak astelehen honetan jakinarazi duenez.

Covid-19aren ondorioz 46 pertsona ospitaleratu zituzten atzo, eta koronabirusa duten 56 pertsona ZIUn daude, aurreko egunean baino bat gehiago. Koronabirusaren ondorioz 227 lagun daude ospitaleetan, aurreko egunean baino 28 gehiago.

Horrela, 100.000 biztanleko 14 eguneko intzidentzia tasa metatua 808,74 kasura igo da, bezperan baino 12,27 gehiago, eta lurraldeka, 635,66koa da Araban, 807,45ekoa Bizkaian eta 824,61ekoa Gipuzkoan. Gaitzaren oinarrizko birsorkuntza tasa 1,12ra jaitsi da EAEn (1,13 Araban, 1,19 Bizkaian eta 1,01 Gipuzkoan).

Adin tarteka, 0-9 urteko taldean 56 kasu berri izan dira azken egunean eta intzidentzia metatua 509,26 kasukoa da; 10-19 urtekoenean 269 (2.296,76), 20-29 urtekoenean 268 (2.627,76), 30-39 urtekoenean 116 (947,84), 40-49 urtekoenean 67 (417,62), 50-59 urtekoenean 68 (359,59), 60-69 urtekoenean 56 (329,22), 70-79 urtekoenean 18 (137,50), 80-89 urtekoenean 19 (182,63) eta 90 urtetik gorakoen artean bat ere ez (209,52).

Positiboek behera egin dute Nafarroan, hirugarren egunez jarraian

Nafarroan, hiru egunez jarraian egin du behera covid-19ak kutsatutako positiboen kopuruak. Atzo 295 positibo izan ziren, larunbatean 361 eta ostiralean 441, Nafarroako Gobernuaren behin-behineko datuen arabera.

Datuak herriz herri aztertuta, Berriozar (18 positibo), Lizarra (17) eta Tutera (15) nabarmentzen dira, baita Iruñea ere (74); hiriburuan, Arrotxapea eta II. Zabalgunea auzoetan hamarna kasu atzeman zituzten atzo.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea
Osakidetza Gaixotasunak Gizartea Eguneko albisteak Albisteak Zientzia Osasun albisteak Medikuak Basurtuko ospitalea Gurutzetako ospitalea Erizaintza Sendagaiak Txertoak Donostia Ospitalea Txagorritxu Ospitalea Nafarroako Ospitale Gunea Koronabirusa Galdakao-Usansolo Ospitalea Anbulatorioak Osasunbidea