Aurten ere bertan behera utzi dituzte Begoñako Amaren eguneko erromeria eta aurreskua

Juan Mari Aburto Bilboko alkateak, tradizioari jarraituz, Udala ordezkatuko du aurten ere, abuztuaren 15ean Begoñako basilikan egingo den mezan, baina aurten ere, bigarren urtez jarraian, ez da herri erromeriarik izango, ezta alkateak basilikaren kanpoaldean bildutakoen omenez eskaini ohi duen aurreskurik ere, COVID-19aren egungo pandemia-egoerak eragindako murrizketa soziosanitarioen ondorioz.

Begoñako Amaren eguneko elizkizuna 12:00etan hasiko da, eta basilikaren barruan beharrezko neurriak hartuko dira higienea segurtatzeko eta jende kopuruari lotutako mugak zaintzeko. Meza nagusiaz gainera, zortzi meza gehiago izango dira egun osoan zehar.

Tenpluaren kanpoaldean, aurten ere ez da salposturik jarriko, eta informazio mahai bakarra egongo da.