Gizartea -
GERTAKARIA
78 urteko emakume baten gorpua aurkitu dute Arga ibaian, Iruñean
Udaltzaingoak jakitera eman duenez, gaur goizeko 09:00ak inguruan aurkitu dute gorpua, Trinitarioak auzoan.
EITB MEDIA
78 urteko emakume baten gorpua aurkitu dute, gaur goizean, Arga ibaian, Iruñean.
Nafarroako hiriburuko Udaltzaingoak zabaldutako informazioen arabera, Iruñeko bertako bizilaguna da hilda agertu dena. Antza denez, atzo gauean desagerketaren berri eman zuen bere familiak eta orduz geroztik bila ari ziren agenteak.
Azkenik, Trinitarioak auzoaren parean agertu da gorpua, 09:05 inguruan, eta suhiltzaileek atera dute uretatik.
Iruñeko Udaltzaingoak bere gain hartu du ikerketa, zer gertatu den argitzeko.