Itxi

2021/08/14

14:35

Gizartea

Ceuta

Beste 15 adingabe marokoar Ceutako mugara eraman dituzte aberriratzeko

Ainhoa Benito | EITB Media

Barne Ministerioak maiatzean Ceutara modu irregularrean sartu ziren 750 haur eta nerabeetatik 150ekin zerrenda bat osatu du, zehaztu gabeko irizpideekin.

  • Migranteak Ceutan. Artxiboko argazkia: EFE.

    Migranteak Ceutan. Artxiboko argazkia: EFE.

  • Whatsapp
  • Whatsapp
  • Telegram
  • Bidali

Ceutako Polizia Nazionalak maiatzaren erdialdetik Santa Amelia kiroldegian zeuden beste 15 etorkin marokoar Ceutako mugara eraman ditu aberriratzeko.

Barne Ministerioak zehaztu gabe dauden irizpideekin 150 lagunekin zerrenda bat osatu du maiatzaren 17tik 19ra bitartean bidaiderik gabe hirira modu irregularrean sartu ziren eta Espainiako polikiroldegi batean (Pinierseko modulu aurrefabrikatuan eta La Esperanzako aldi baterako ostatu emate zentroan) jarraitzen duten 750 haur eta nerabeen artean.

Adingabe "zaurgarriak", hau da, indarkeria- edo esplotazio-egoeretatik ihes egin dutenak, ez dituzte kanporatuko. Dena den, irizpide horiek zehazteaz arduratzen diren Gobernuz Kanpoko Erakundeek oraindik ezin izan dute 13 eta 17 urte bitarteko 234 lagunetako bat ere elkarrizketatu.

Aberriratzea, ustez, Espainiak eta Marokok 2007an sinatutako akordioaren babesean gauzatzen ari da; hitzarmen horrek "bakarrik dauden adingabeen legez kanpoko emigrazioaren prebentzioaren, babesaren eta itzulera itunduaren arloko lankidetza" babesten du, eta "dagokion legeria nazionala, nazioarteko zuzenbidearen arauak eta printzipioak zorrotz errespetatzea" eskatzen du, bereziki, Haurren Eskubideen Konbentzioko xedapen egokiak eta bi estatuen eskumenean dauden protokoloak.

Arartekoak Barne Ministerioari gogorarazi dionez, Espainiako Gobernuak aberriratzeko prozesua hastea erabakitzen duenean, "adingabeak esaten duena entzun behar du", eta "adingabeen babeserako zerbitzuen eta Fiskaltzaren irizpenak eskatu behar ditu, kanporaketari edo Espainian egoteari buruz dagokiona ebatzi baino lehen".

Hainbat Gobernuz Kanpoko Erakundeek guardiako epaitegira zuzendutako idazki bat prestatzen ari dira kanporatze horiek kautelaz geldiaraz ditzala eskatzeko.

Mugaren beste aldean, gazteak Martil herrian 'L' Entraide Nationale' erakunde publikoak kudeatzen duen zentro batera eramaten dituzte, Ceutatik 40 bat kilometrora, eta bien bitartean, euren familiak bilatzen laguntzen diete.

  • Bisitatuena

      Kargatzen ikusiena
      Kargatzen ikusiena
    ;