Gizartea -
Abuztuaren 21etik 29ra
Ertzaintzak eta Udaltzaingoak operatibo berezia ezarriko dute Bilboko 'ez jaietan'
Abuztuaren 21etik 29ra artean izango da indarrean, hau da, Bizkaiko hiriburuko Aste Nagusia ospatuko zen egunetan.
AGENTZIAK | EITB MEDIA
Ertzaintzak eta Bilboko Udaltzaingoak bilera egin dute astearte honetan Bizkaiko hiriburuko Udaletxean; helburua izan da abuztuaren 21etik 29ra artean, hau da, 2021eko Bilboko Aste Nagusia ospatuko zen egunetan, garatuko dituzten ekintzak eta operatiboa planifikatzea.
Polizia Koordinazioko Urteroko Batzordearen topaketak Juan Maria Aburto Bilboko alkatea izan du buru; bertan, osasun-egoera, covid-19a prebenitu eta kontrolatzeko araua eta segurtasunaren egoera izan dituzte aztergai. Bilera hori urtero egiten dute garai honetan, bi poliziek elkarrekin egiten duten lanaren testuinguruan.
Bi aldeen ordezkariek adierazi dutenez, "polizia-prebentzioaren zeregina behar bezala gauzatzeko, ezinbestekoa da informazioa eta irizpideak trukatzea". Hilaren 21etik 29ra bitartean, ahaleginduko dira saihesten "jendetzak eta osasuna arriskuan jar litzaketen gizalegearen kontrako portaerak". Agenteek delitu-ekintzak prebenitu eta zigortzeko egingo dute lan.