Itxi

2021/08/21

17:55

Gizartea

Istiluak

Nafarroako zortzi kale-edanetan esku hartu eta covid-19arekin kutsatutako gizon bat salatu du Foruzaingoak

Agentziak | EITB Media

Hain zuzen ere, Valtierran, Beran, Erriberrin, Oibarren, Zizur Nagusian, Milagron eta Uharten egin dituzte botilioiak. Parte hartzen ari ziren pertsonak, ihesi atera ziren foruzainak ikustean, baina hainbat zehapen-proposamen egin dituzte.

  • Nafarroako zortzi kale-edanetan esku hartu du Foruzaingoak. Argazkia: Foruzaingoa

    Nafarroako zortzi kale-edanetan esku hartu du Foruzaingoak. Argazkia: Foruzaingoa

  • Whatsapp
  • Whatsapp
  • Telegram
  • Bidali

Nafarroako hainbat herritan egiten ari ziren zortzi kale-edanetan esku hartu du gaur goizaldean Foruzaingoak, kale-zurrut horietan bildutako pertsonak sakabanatzeko asmoz. Horrez gain, Milagron, covid-19an positibo emandako gizon bat salatu dute foruzainek, kalean mozkortuta eta maskararik gabe zegoelako.

Hain zuzen ere, Valtierran, Beran, Erriberrin, Oibarren, Zizur Nagusian, Milagron eta Uharten egin dituzte kale-edan horiek, Foruzaingoak ohar batean azaldu duenez. Botiloi horietan parte hartzen ari ziren pertsonak, ihesi atera ziren foruzainak ikustean, baina hainbat zehapen-proposamen egin dituzte.

Uharteren kasuan, 40 bat pertsonako "makrobotiloi" batean esku hartu dute foruzainek. Parte hartzen ari ziren pertsonak ere "ziztu bizian" atera ziren ihesi, baina dozena bat parte-hartzaile salatu dituzte kale-zurruta egiteagatik, etxeratze-agindua ez betetzeagatik eta "mendia zabortegi baten moduan uzteagatik", dio oharrak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;