Gizartea -

Gipuzkoa

Dozenaka pertsona bildu dira Donostiako Parte Zaharrean, "Poliziaren errepresioaren aurka"

Parte Zaharra Aske! elkarteak deitutako manifestazioa 19:00ak aldera hasi da Konstituzio plazan, Donostiako Parte Zaharreko erdigunean. 'Errepresiorik ez! Alde Zaharra bizirik' lelopean, auzoa zeharkatu dute.

Manifestazioa Donostiako Parte Zaharrean, "poliziaren errepresioaren" aurka. Argazkia: EITB Media
Manifestazioa Donostiako Parte Zaharrean, "poliziaren errepresioaren" aurka. Argazkia: EITB Media
Manifestazioa Donostiako Parte Zaharrean, "poliziaren errepresioaren" aurka. Argazkia: EITB Media

Agentziak | EITB Media

Whatsapp Facebook Twitter Telegram Email

Dozenaka pertsonek manifestazioa egin dute larunbat arratsaldean Donostiako Parte Zaharrean, "Poliziaren errepresioaren aurka". Izan ere, joan den astean istiluak egon ziren Ertzaintzaren eta herritarren artean.

Hain zuzen ere, covid-19ak eragindako pandemiari aurre egiteko asmoz, gaur egun indarrean dauden osasun-neurriak betearazten ari ziren ertzainei objektuak bota zizkietenean hasi ziren istiluak. Gainera, kalte materialak eragin zituzten hiriguneko altzarietan eta dendetan.

Hala, Parte Zaharra Aske! elkarteak deitutako manifestazioa 19:00ak aldera hasi da Konstituzio plazan, Donostiako Parte Zaharreko erdigunean. 'Errepresiorik ez! Alde Zaharra bizirik' lelopean, auzoa zeharkatu dute.

Protesta istilurik gabe amaitu da. Auzoko kaleak zeharkatu dituztenean ondorengo mezuak entzun dira: "PSOE-EAJ zerrikeria bera", "Txakurrak kanpora" (Ertzaintzari erreferentzia eginez), "Gazteak gara, ez terroristak", "Soberan daude poliziak, ospitaleak falta dira", "Presoak kalera, amnistia osoa" edo "Polizia kanpora".

Hau zure interesekoa bada, baliteke beste gai hauek ere izatea
Politika Donostia Ertzaintza Gipuzkoa Euskal Autonomia Erkidegoa Gaixotasunak Salaketak Gizartea Eguneko albisteak Albisteak Osasun albisteak Donostiako Alde Zaharra Manifestazioak Koronabirusa