12 urteko neska bat jazarri dute Gasteizen LGTBIren aldeko poltsa bat eramateagatik

Gasteizko 12 urteko neskato batek bi aldiz jasan du adingabe talde baten jazarpena ostadarraren koloreko poltsa bat eramateagatik, Ikusgune Gasteizko LGTBI+fobiaren aurkako Behatokiak jakitera eman duenez.

Gertakaria joan den astean jazo zen, Arabako hiriburuko parke batean. Neskatoa bere kuadrillarekin joan zen, eta, LGTBI kolektiboaren koloredun poltsa zeramala ikusita, beste neska-mutil batzuk jazartzen hasi zitzaizkien, eta, ondorioz, handik alde egin behar izan zuten.

Egoera bera errepikatu zen Zabalgana auzoko parke berean igandean, eta, horren aurrean, adingabearen aitak salatu egin du sare sozialetan eta gertatutakoaren berri eman dio Ikusguneri.

Neskatoaren aitak deitoratu egin du alabak poltsa etxean utzi izana, beldurragatik, baina berak atera du kalera LGTBI kolektiboaren banderaren koloreak dituen poltsa, alabaren alde, eta horrek sare sozialetan eztabaida piztu du.