Gizartea -
Interneten
mercadolibre.com-en haurtxo bat salgai dagoela salatu dute
"Organoak lortzeko edo behar duzunerako umetxo polita salgai!!" titulupean eta 20.000 pesoko salneurrian, web guneak eskaintza publikatu du eta, salatu dutenez, agintariak ikertzen ari dira dagoeneko.
Erredakzioa
Hainbat internautek salatu dutenez, mercadolibre.com salerosketak iragartzeko web guneak iragarki bat publikatu du eta bertan salgai dagoena urte eta erdiko umetxo bat da, 20.000 pesotan.
Antza, enkantean jarri dute orrian haurtxoa, otsailaren 19ko 21:00ak arte, eta bertan telefono zenbaki bat ere agertzen da.
Ez dakite ziur txantxa den ala benetako iragarkia, baina dagoeneko zenbait erabiltzailek Poliziaren aurrean salatu dutela adierazi eta beste kasu batzuetan haurtxoak saldu izan direla zabaldu dute.
Ukaezina dena iragarkia publikatuta dagoela da, eta edozeinek ikus lezakeela, bitartean, suminduak eta gertaera horien moduko ekintzak areagotzen ari dira Sarean.