Sei herri hustu dituzte Malagan Sierra Bermejako sutearen ondorioz

Infoca Planaren zuzendaritza operatiboak etxetik atera behar izan ditu Juzcar eta Alpandeireko bizilagunak Sierra Bermejan piztutako sutearen ondorioz, Jubrique, Genalguacil, Farajan eta Pujerra (Malaga) herrietakoekin batera.

Asteazken gauean piztutako sutearen ondorioz, 2.670 pertsona atera behar izan dituzte etxetik, Andaluziako Juntak emandako azken datuen arabera.

13:15ean, Farajan eta Pujerra udalerriak badaezpada husteko eskatu dute, eta, handik gutxira, 14:18an, Alpandeire eta Juzcar udalerriak ebakuatzeko agindua eman dute.

Erroldaren arabera, Farajanek 261 herritar ditu, Pujerrak 308, Alpandeirek 263 eta Juzcarrek 214.

Herri horietako bizilagunak Rondako 'El Fuerte' kiroldegira eraman dituzte igandean.

Momentuz, 2.670 pertsona ebakuatu behar izan dituzte sutearen ondorioz. Operatiboaren kontrol-, segurtasun- eta zaintza-lanek lehentasuna ematen diote ebakuazioa bide seguruetatik egiteari. Gaur egun, 745 espezialista ari dira lanean Sierra Bermejako sutean.