Gizartea -
Donostia
Ondarretako hondartzan eta Santa Klara uhartean bandera horia jarri dute alga toxikoarengatik
Nahiz eta egun hodeitsua izan, bainulari batzuek azkura izan dute Ondarretan bainatu ondoren. Bainulariak ez dira itsasertzean egon, pixka bat barrurago baizik.
Agentziak | EiTB Media
Bandera horia jarri behar izan dute berriro Ondarretako hondartzan eta Santa Klara uhartean, Donostian, alga toxikoarengatik.
Donostiako Udalak jakitera eman duenez, nahiz eta egun hodeitsua izan, bainulari batzuek azkura izan dute Ondarretan bainatu ondoren.
Iturriek azaldu dutenez, bainulariak ez dira itsasertzean egon, pixka bat barrurago baizik.
Uretan sartu ondoren azkura izan eta sorosleengana jo dute. Horregatik, Ondarretako zein uharteko hondartzetan bandera horia ezarri dute.
