Gizartea -

Koronabirusa

Txertoa hartu ez duten Ipar Euskal Herriko osasun langileak, jomugan

Dagoeneko profesional gehienek hartu dute txertoa: % 98,83. CGT sindikatuaren arabera, baina, zenbaki horietan zaharren etxeetako zein klinika pribatuetako langileak falta dira.

Osasun langile bat txerto bat prestatzen. Argazkia: EFE.
Osasun langile bat txerto bat prestatzen. Argazkia: EFE.
Osasun langile bat txerto bat prestatzen. Argazkia: EFE.

EITB Media

Whatsapp Facebook Twitter Telegram Email

Asteazken honetatik aurrera, Ipar Euskal Herriko osasun arloko profesional guztiek covid-19aren kontrako txertoaren lehenengo dosia gutxienez hartuta izan beharko dute. Horri uko egiten diotenek ez dute lanpostua galduko, baina ezingo dute lanik egin, eta, ondorioz, ez dute lansaririk jasoko.

Dagoeneko osasun langile gehienek hartu dute txertoa: % 98,83. Kontuak horrela, zerbitzuak normaltasunez segituko du. Hala ere, CGT sindikatuaren arabera, zenbaki horietan zaharren etxeetako zein klinika pribatuetako langileak falta dira.

Alarma egoera azaroan amaitzekoa da Frantziako Estatuan, eta txertoaren derrigortasunaren kontra dauden osasun langileen itxaropena zen ordurako gauzak aldatzea; hala ere, ez da horrela izango, eta nahitaezkoa izango dute. Horren aurrean, protestak egin dituzte Estatuko hainbat tokitan.

CGT sindikatuak jakinarazi du 100 profesional joan zaizkiola laguntza juridiko eske: "Katastrofikoa eta onartezina da. Gainera, lanpostuen aldetik dagoeneko konplikatua zen egoera are gehiago konplikatuko da. Oheak kenduko dituzte erietxeetan eta zaharren etxeetan". Euskal kostaldeko ospitale sarean gezurtatu egin dute hori, eta Geriatrian egin duten berrantolaketa bat kenduta, zerbitzuak "beti bezala" segituko duela gaineratu dute.

Hau zure interesekoa bada, baliteke beste gai hauek ere izatea
Iparraldea berriak Baionako argazkiak Biarritz Maule bideoak Donibane Garazi Hendaia Gizartea Prentsa digitalaren azken orduko Albisteak Txertoak Gaixotasunak albisteak Osasunari buruzko albisteak Botikak albisteak Zuberoa azken ordukoa Koronabirusa Lapurdiko azken ordua Nafarroa Behereko berriak