Gizartea -
KORONABIRUSA
Kutsatze berriak 196 dira Euskadin eta positibotasuna % 3,6ra igo da
Bestalde, Zainketa Intentsiboetako Unitateetan covid-19a duten 52 pertsona daude, aurreko egunean baino bi gehiago.
I.G. | EITB MEDIA
196 covid kutsatze berri izan dira EAEn azken orduotan, aurreko egunean baino 33 gehiago; positibotasun tasa % 3,6ra igo da. Gainera, 30 gaixo ospitaleratu dituzte EAEko ospitaleetan, aurreko egunean baino sei gehiago, eta 52 gaixo daude ZIUn, bi gehiago.
Osasun Sailak emandako azken datuen arabera, joan den ostiralean 5.435 proba diagnostiko egin ziren, eta 196 kutsatu berri atzeman ziren. Aurreko egunean, berriz, 163 izan ziren. Horrela, egindako probekin alderatuta, positibotasun tasa % 3tik % 3,6ra igo da.
Lurraldeka, 106 positibo berri atzeman dituzte Bizkaian, beste 48 Gipuzkoan eta 40 Araban. Horrez gain, Euskal Autonomia Erkidegotik kanpo bizi diren bi pertsona kutsatu dira, aurreko eguneko kasu bakarraren aldean.
EAEko ospitaleetan 30 pertsona ospitaleratu dituzte ostiralean, aurreko egunean baino sei gehiago. Gainera, Zainketa Intentsiboetako Unitateetan (ZIU) covid19-a duten 52 pertsona daude, aurreko egunean baino bi gehiago.