Gizartea -

Bilbo

Bilboko Udaltzaingoak botiloi masibo bat desegin du Casilda Iturrizar parkean

ETBk grabatutako irudietan ehunka gazte ikusi daitezke bilduta Bilboko Casilda Iturrizar parkean. Bildutakoen kopurua ikusita, udaltzainek bertatik alde egiteko eskatu zieten.

Casilda Iturrizar parkeko botiloia. EITB Mediako bideo batetik ateratako irudia.
Casilda Iturrizar parkeko botiloia
Ehunka gaztek makrobotiloi bat egin dute Bilboko Casilda Iturrizar parkean

0:42

I. G. | EITB MEDIA

Whatsapp Facebook Twitter Telegram Email

Bilboko udaltzainek hiriko Casilda Iturrizar Parkean esku hartu behar izan dute igande goizaldean, bertan egiten ari ziren botiloi masibo bat desegiteko.

Bilboko Udaleko iturriek jakitera eman dutenez, inguruko bizilagunen abisua jaso ondoren joan ziren udaltzainak parkera, hainbat gazte parkean edaten ari zirela ohartaraziz.

Bildutakoen kopurua ikusita, udaltzainek bertatik alde egiteko eskatu zieten.

Istiluren bat ere izan zen eta udaltzain batek lesio bat izan zuen sorbaldan, aipatutako iturrien arabera.

Goizeko zazpiak aldera ingurua hutsik geratu da, eta garbiketarako taldeak sartu dira parkean eta botiloiaren ondoren geratu diren hondakin guztiak jasotzeko.

Gaur goizaldean gertatutakoaren berri izan ostean, Juan Mari Aburto Bilboko alkateak bere sare sozialetan zabaldutako mezu batean adierazi duenez, "lotsa" sentitzen du "parkean gauean izandako gertakariengatik".

Hau zure interesekoa bada, baliteke beste gai hauek ere izatea
Bilbo Herriak eta Hiriak Bizkaia Euskal Autonomia Erkidegoa Gizartea Juan Maria Aburto Eguneko albisteak Albisteak Zer egin Euskadin Gazteak