Gizartea -

Sumendiaren erupzioa

Erupzio-aho berri bat sortu da, eta ehunka pertsona gehiago ebakuatu dituzte La Palman

Astelehen arratsaldera arte, 5.500 bizilagun baino gehiago ebakuatu behar izan dituzte beren etxebizitzetatik, horien etxeak erupzio-eremutik gertu daudelako edo labak egingo duen bidean daudelako.

Dagoeneko bederatzi aho ditu La Palmako sumendiak. Argazkia: EFE.
Dagoeneko bederatzi aho ditu La Palmako sumendiak. Argazkia: EFE.
Beste aho bat zabaldu da La Palmako sumendian

0:49

Agentziak | EITB Media

Whatsapp Facebook Twitter Telegram Email

Igandean La Palman eztanda egin zuen sumendiak erupzio-aho berria du astearte goizaldetik Tacande herritik gertu, El Pason; ondorioz, ebakuazioak areagotu behar izan dituzte, 112 zerbitzuak jakitera eman duenez. Jarraitu erupzioa zuzenean, hemen.

Kanarietako Larrialdi Bolkanikoen Planaren (Pevolca) zuzendaritza batzordeak jaso duen informazioaren arabera, sumendiaren aho berria gune nagusitik 900 metrora dago, eta, beraz, bertatik urruntzeko eskatu diete herritarrei.

Astelehen arratsaldera arte, 5.500 bizilagun baino gehiago ebakuatu behar izan dituzte beren etxebizitzetatik, horien etxeak erupzio-eremutik gertu daudelako edo labak egingo duen bidean daudelako.

Erregistro historikoak daudenetik, La Palman izan den zortzigarren erupzioa da oraingoa, sumendiak iparretik hegoaldera doazen bi pitzadura ditu, hainbat emisio-gunerekin, eta 200 metro inguru daude pitzadura horien artean.

Tacande udalerriak 704 biztanle ditu. 112 zerbitzuak ez du zehaztu horietako zenbat aterako dituzten etxetik, baina ebakuazioak arriskuak saihesteko egiten ari direla azaldu du.

Hau zure interesekoa bada, baliteke beste gai hauek ere izatea
Espainia albisteak Gizartea Eguneko albisteak Albisteak Kanariak Sumendiak Hondamendi naturalen biktimak La Palma sumendia gaur