Hamabi pertsonek atxilotuta jarraitzen dute polizi etxean, Valentzian

Valentzian hezkuntza arloko murrizketen aurka ikasleek deitutako protestetan istilu larriak izan dira oraingoan. Astelehen honetan 25 pertsona atxilotu dituzte, horietatik bost adingabeak, eta 16 pertsona daude zaurituta, tartean 11 polizia, polizia iturriek jakitera eman dutenez.

Atzo atxilotu zituzten hogeita bost pertsonetatik hamabik gaua komisarian igaro eta bertan jarraitzen dute.

Polizia iturriek Efe albiste agentziari jakinarazi diotenez, atxilotuak izan ziren sei adingabeak atzo gauean aske utzi zituzten.

Komisarian jarraitzen duten atxilotuak "ahalik eta denbora gutxien polizia-etxean izatea" espero dute; deklarazioa hartuko diete, eta izapideak zabalduko dituzte, epailearen aurrera eraman baino lehen.

Ikasleen Sindikatuak "borrokarako eguna" deitu du datorren ostegunerako Valentziako Lluis Vives Institutuan. Hezkuntza Kontseilaritzaren aurrean elkarretaratzea egingo dute.

Joan den astean bezala, eguerdian manifestazioa hasi da Lluis Vives institutuaren aurrean. Manifestariak hiriko erdigunerantz jotzeko asmoa zutela, poliziak ezarritako hesiekin egin dute topo. Hesiak gainditu dituzte, eta poliziak kargatu egin du.

Agenteek ikasleen kontra izan duten jokabide horren aurka, ehunka manifestari bildu dira ordu batzuk geroago Luis Vives institutu horren inguruetan bertan, eta, istilu gehiago sortu dira poliziarekin. Oraingoan manifestarien artean jada ez zeuden soilik ikasleak, arratsaldean bezala; azken orduetan oposizioko alderdietako politikariak eta hiritarrak gehitu dira protestetara, Poliziaren jokabidea salatzeko.

Espainia mailan, #PrimaveraValenciana hashtag-a izan da eguneko gairik nagusiena Twitterren.Gaueko 23:00etan 200 bat pertsona zeuden oraindik Lluís Vives institutu aurrean. Azken orduotan hainbat edukiontzi erre dituzte, eta 300 bat ikasle Geografia eta Historia Fakultatean bildu dira, asanblea egiteko. Hartutako lehenengo erabakien artean Paula Sanchez de Leon Gobernuak Valentzian duen ordezkariaren dimisioa eskatzea izan da. ''Kalean jarraituko dugu, Sanchez de Leonek dimisioa eman arte'', esan dute.Oldarkortasuna erabiltzeko arrazoia

Antonio Morenok azaldu duenez, agenteek indarkeria erabili behar izan dute manifestarien "oldarkortasunaren" aurrean. Ildo horretan, manifestariei erantzuteko erabilitako indarra neurrizkoa izan ote den epaileek erabaki beharko dutela gaineratu du.

Morenok premiazko prentsaurrekoa eman du Valentzian piztutako ikasleen protesten ondorioz. Zenbat agentek parte hartu duten ez du agertu nahi izan, eta horren inguruan galdetuta, zera erantzun du Antonio Morenok: ''Ez da zuhurra etsaiari nire indarrak zenbatekoak diren esatea''.

Protestaren hasiera

Protesta modubaketsuan hasi da, 15:45ean, ikasleek zirkulazioa etenda. Antolatzaileenhitzetan, ikasleen helburua "protesta erabat baketsua" egitea zen. Hala ere, Poliziak segurtasun hesi bat ezarri du San Agustin plazatik gertueta ikasleak alboetatik igaro dira. Une horretan lehen tirabirak sortudira ikasleen eta polizien artean: bultzadak izan dira eta arropatikheldu diote elkarri.

Ondoren, ikasleak Espainia Plazara joan dira,baina, heldu baino lehen, San Vicente kaleko bidegurutzean, beste polizia hesi batekin topo egin dute. Orduan, ikasleek MarzalMatematikoaren eta Troya kaleetara ihes egin dute; bertan, tentsiohandiagoa egon da, eta gazte batzuk lurrera bota eta porrez jo dituPoliziak.