Gizartea -
Avilan
Pertsona bat hil da eta beste lau zauritu, eskola-autobus bat iraulita
Gertakizuna 08:10ean izan da. Autobusean 16 eta 18 urte arteko hamazazpi ikasle zihoazen.
Erredakzioa
16 urteko neskato bat hil da eta beste lau ikasle gutxienez larri zauritu dira Villanueva del Aceral Avilako herrian, eskola-autobus bat CL-605 errepidetik irten eta iraulita.
Avilako Trafikoko Guardia Zibiletik jakitera eman dutenez, gertakizuna 08:10ean izan da. Muñosancho-Arevalo ibilbidea egiten zuen eskola-autobus bat errepidetik irten eta irauli egin da, CL-605 errepideko 68.5 kilometroan.
Autobusean 16 eta 18 urte arteko hamasei ikasle zihoazen. Avilako Trafikoko Guardia Zibileko, Valladolideko Diputazioko eta Avilako Suhiltzaileetako eta Gurutze Gorriko eta Osasun Larrialdietarako baliabideak joan dira istripua izan den tokira; helikoptero medikalizatu bat, ZIU Zaintza Intentsiboko Unitate mugikor bat eta oinarrizko bizi-euskarria emateko hiru anbulantzia, besteak beste.