Kutsatzeek behera egin dute berriro Nafarroan eta ospitaleratze bakarra izan da

Guztira, 31 pertsona daude Osasunbideko erietxeetan, horietatik zazpi ZIUn.

Hainbat lagun Iruñeko terraza batean. Argazkia: EFE

Eider Garaikoetxea O. | EITB MEDIA

publikatuta: 2021/10/04 08:38 (UTC+2)

azken eguneratzea: 2021/10/04 15:47 (UTC+2)

Nafarroan 16 positibo berri atzeman dituzte azken orduetan 707 proba diagnostiko egin ostean (positibotasuna % 2,3an kokatu da), Foru Gobernuak emandako behin-behineko datuen arabera.

Bezperan baino 17 gutxiago dira, eta duela astebete baino bat gutxiago. Dena dela, duela 14 egun baino sei gehiago dira.

Erietxeetako egoerari dagokionez, azken orduetan, pertsona bakarra eraman behar izan dute ospitalera covid-19ak eraginda. Hala, guztira 31 pertsona daude Osasunbideako ospitaleetan, eta horietatik zazpi larri daude ZIUn. Zorionez, ez da inor hil koronabirusagatik.

Herrika, Zizur Nagusian hauteman dituzte positibo gehien, hiru, hain justu. Artikan, Noainen, Irunberrin eta Iruñeko Iturrama auzoan, bina kasu zenbatu dituzte. Koronabirusak jotako pertsonen bat atzeman duten gainerako herrietan kasu bakarra izan da.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea

Iruñea Nafarroa Tutera Gaixotasunak Gizartea Eguneko albisteak Burlata Albisteak Nafarroako Gobernua Osasun albisteak Altsasu Sendagaiak Txertoak Barañain Nafarroako Ospitale Gunea Koronabirusa Osasunbidea

Kutsatzeek behera egin dute berriro Nafarroan eta ospitaleratze bakarra izan da

Esteka kopiatuta