Gizartea -

Koronabirusaren semaforoa

Gasteiz, Azkoitiarekin eta Astigarrarekin batera, berdera

Ifrentzuan, Agurainek okerrera egin du (100.000 biztanleko 354 kasu), eta Ondarroarekin batera, udalerri laranja da gaurtik.

Grafikoa: EITB Media.
Grafikoa: EITB Media.
Grafikoa: EITB Media.

Eider Garaikoetxea O. | EITB Media

Whatsapp Facebook Twitter Telegram Email

Gasteiz, Azkoitia eta Astigarraga (Gipuzkoa) bezala, izurriaren transmisio "txikiko" udalerri bihurtu dira, tasa metatua 60 kasutik jaitsi baitute, covid-19ak EAEn herriz herri izan duen eragina neurtzeko Eusko Jaurlaritzako Osasun Sailak erabiltzen duen semaforoaren arabera. Agurainek, aldiz, okerrera egin du eta eremu laranjan sartu da.

Arabak gune berdean jarraitzen du (55 pilatutako kasu), eta azken orduetan, eremu horretara jauzi egitea lortu Gasteizek (56 kasu), Laudiori eta Amurriori batuta. Aldiz, Agurainen nabarmen egin du gora izurriaren transmisioak, eta 354 punturekin, gune laranjan sartu da. Hortaz, ez dago udalerri horirik Araban.

Bizkaiak intzidentzia metatua jaitsi du (54 kasu 100.000 biztanleko). Ondarroak laranjaz margotuta jarraitzen du.

Hori, berriz, honako hauek daude: Abadiño, Arrigorriaga, Balmaseda, Barakaldo (60ko langatik gertu, 67,68), Derio (60,89), Durango, Elorrio, Gorliz eta Lekeitio.

Eremu berdean ere ez da aldaketarik izan. Honakoek osatzen dute zerrenda: Abanto, Basauri, Berango, Bermeo, Bilbo, Erandio, Ermua, Etxebarri, Galdakao, Gernika-Lumo, Gueñes, Getxo, Leioa, Markina-Xemein, Mungia, Muskiz, Ortuella, Portugalete, Santurtzi, Sestao, Sopela, Trapagaran, Zalla eta Zornotza.

Gipuzkoak horiz jarraitzen du, ez baitu lortu intzidentzia tasa jaistea (bezperan bezala, 68 kasutan dago 100.000 biztanleko).

Lurraldearen kolore berarekin, bestalde, honako udalerri hauek daude: Andoain, Azpeitia, Donostia, Beasain, Lasarte-Oria, Mutriku, Ordizia, Tolosa, Urnieta, Urretxu, Villabona eta Zarautz.

Astigarragan eta Azkoitian, hobera egin du egoerak, eta berdez ageri dira orain. Aretxabaleta, Arrasate, Bergara, Deba, Eibar, Elgoibar, Errenteria, Hernani, Hondarribia, Irun, Lazkao, Legazpi, Lezo, Oiartzun, Oñati, Orio, Pasaia, Usurbil, Zumaia eta Zumarraga ere transmisio "txikiko" eremu horretan daude.

EAEko udalerri handi bakar bat ere ez dago eremu gorrian.

Europar Batasunak onartutako koloreen mapa egokitu du Jaurlaritzak, eta azken 14 egunetan metatutako intzidentzia-tasaren arabera sailkatzen ditu EAEko udalerriak.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

Hau zure interesekoa bada, baliteke beste gai hauek ere izatea
Amurrio Bermeo Bilbo berriak Donostia bideoak Basauri Erandio Galdakao argazkiak Getxo argazkiak Portugalete albisteak Santurtzi Sestao argazkiak Sopela argazkiak Barakaldo Ermua albisteak Eibar albisteak Elgoibar argazkiak Hernani albisteak Mungia berriak Azpeitia Tolosa Gernika-Lumo bideoak Zarautz Laudioko albisteak Arrasate albisteak Muskiz albisteak Gizartea Eguneko albisteak Gasteiz albisteak Orio Agurain albisteak Lekeitio albisteak Durango argazkiak Arrigorriaga bideoak Ondarroa Trapagaran Ortuella albisteak Pasaia albisteak Lasarte-Oria Errenteria argazkiak Zumarraga Azkoitia albisteak Andoain Bergara albisteak Zumaia Villabona albisteak Usurbil Ordizia Urnieta bideoak Oiartzun albisteak Astigarraga bideoak Oñati bideoak Balmaseda Beasain Deba bideoak Eguneko albisteak Urretxu albisteak Legazpi albisteak Etxebarri azken ordukoa Abanto Zierbena albisteak Zalla Elorrio albisteak Abadiño Berango Aretxabaleta Lezo Derio albisteak Gueñes azken ordukoa Gorliz Mutriku Markina-Xemein albisteak Zer gertatu da Lazkao herrian? Koronabirusa