Haur bat hil da zortzigarren solairutik behera erorita, Jaenen

11 urteko mutiko bat hil da Jaenen Madrilgo Etorbidean dagoen eraikin baten zortzigarren solairutik behera erorita, 112 Larrialdi Zerbitzuetako langileek jakinarazi dutenez.

Gertakaria atzo jazo zen, 18:00etan. Larrialdi zerbitzuek dei bat jaso zuten adingabe bat eraikin bateko zortzigarren solairuko leihotik behera erori zela ohartaraziz.

Udaltzaingoa eta Osasun Zerbitzuak berehala bertaratu ziren eta adingabea Jaengo ospital batera eraman zuten, baina 22:00etan hil zen jasandako kolpeak eragindako zauri larrien ondorioz. Orain, ezbeharra ikertzen ari dira.