Itxi

2021/10/16

12:47

Gizartea

Batzarra Gasteizen

Eskubide Sozialen EHko Kartak sei hilabeteko hausnarketa prozesua abiatu du, sare "indartsuagoa" eraikitzeko

AGENTZIAK | EITB MEDIA

Ekimenean oraindik parte hartu ez duten eragileei bat egitera dei egin diete, pandemiak azaleratutako erronka sozialei eta ekonomikoei aurre egiteko helburuz.

Beñat Irasuegi
  • Whatsapp
  • Whatsapp
  • Telegram
  • Bidali

Eskubide Sozialen Euskal Herriko Karta osatzen duten eragileek sei hilabeteko gogoeta-prozesua abiatu dute, sare "indartsuago bat" sortzeko asmoz. Horrekin batera, ekimen horretan oraindik parte hartu ez duten eragileei bat egitera dei egin diete, pandemiak azaleratutako erronka sozialei eta ekonomikoei aurre egiteko helburuz.

ELAk, LABek eta bestelako erakunde sozialek sustatutako ekimen horretako kideak Gasteizen batzartu dira larunbat goiz honetan, koronabirusa agertu zenetik, iazko martxoaz geroztik, lehen bilera presentzialean, alegia.   

Beñat Irasuegi bozeramaileetako batek azaldu duenez, "pandemiaren ostean garrantzitsua iruditu zaigu Karta berak dituen helburuak indartzea eta saretzea, eduki berriz betetzea".

"Gaur elkartu gara Kartan parte hartu dugun eragileak, eta dei egiten dugu Euskal Herrian subiranotasuna eta eskubide sozialen alde ere egiten duten bestelako eragileak ere prozesu honetara ekartzeko", gaineratu du.

Hausnarketa-prozesuari buruz, Irasuegik adierazi duenez, "asmoa dugu orain arte Kartak zituen eskaintzak eta proposamenak berritzekoa, eragileek izan ditzaketen proposamen berriekin gehitzekoa, eta pandemiak berak ekarri dituen erronka berriekin gehitzekoa".

"Orain arte antolaketan ere ikusi ditugun gabeziak eta indartu beharrekoak ere eragile guztion artean erabakiko ditugu, azkenean EHko Eskubide Sozialen Karta indartsu bat osatzeko", amaitu du.

  • Bisitatuena

      Kargatzen ikusiena
      Kargatzen ikusiena
    ;