Gizartea -
Eskualde mugakideetako gaixoak
Osasun arazoarentzat finantzaketa globala eskatu du Bengoak Madrilen
Eskualde mugakide guztietan gertatzen dela kontuan izanda, Estatu mailako irtenbidea eskatu du sailburuak. Euskadi eta Errioxa arteko eta Errioxa eta Nafarroa arteko akordioak hilabete luzatu dituzte.
Erredakzioa
Rafael Bengoa Osasun sailburuak Estatu mailako irtenbidea eskatu du Madrilen erkidegoen arteko osasun gatazkak konpontzeko.
Sailburuaren esanetan, Estatuan 300.000 eta 350.000 gaixo hartatzen dira beren erkidegoetako eskualde mugakideetan, eta, horregatik Estatu mailako irtenbidea eskatu du. Gaixo guztiak libre zirkulatzearen alde azaldu da, eta lurralderen batek kalte ekonomikoak izatekotan, funts nazional baten bitartez konpentsatzea.
Madrilera, erkidegoen arteko batzordera eraman du eskakizuna, eta proposamena hurrengo bileratan aztertzearen konpromisoa hartu dute bertako kideek.
Ordura arte, Errioxarekin arazoa bi aldeko batzordean konpontzera deitu du Osasun ministroak.
Aste honetan bertan, gaixoak hartatzeko hitzarmena hilabetez luzatzea adostu dute Errioxa eta Euskadi arteko batzorde horretan. Hilabate horretan gai teknikoak aztertuko dituzte, irtenbide lokala posiblea den zehazteko.
Errioxak eta Nafarroak ere beren arteko akordioa hilabete luzatzea adostu dute asteazken honetan.
