Gizartea -
Trafikoa
A-15a itxi egingo dute azaroaren 3ko eta 4ko gauetan, Iruñeko noranzkoan, lanengatik
Sorabillako lotunetik Berastegikora egongo da zarratuta. Andoaingo bidean ez da itxierarik egongo.
Agentziak | EITB MEDIA
Gipuzkoako Foru Aldundia eguneratze lanak egiten ari da A-15ean. Hori dela eta, datozen asteazkenean eta ostegunean, azaroaren 3an eta 4an, gauez (23:00-05:00) autobidea itxiko duela jakinarazi du, betiere Iruñeko noranzkoan.
Zehazki, Sorabillako lotunetik Berastegikora zarratuko dute bidea. Iruñeko noranzkoari bakarrik eragingo dio (Andoaingo bidea zabalik egongo da).
Aldundiak ohar batean azaldu duenez, Belabietako tuneleko hodi barruan dauden instalazio batzuk konpondu eta aldatu behar dituzte, besteak beste, argiztapen sistema, telebista zirkuitu itxia eta aireztapen sistema.
A-15eko erabiltzaileei honako ibilbidea proposatu die Aldundiak: Sorabillako lotunean biratu, N-1a hartu, eta ondoren, GI-2130a (Tolosa eta Ibarratik). Ostean, A-15a berriro hartu ahalko dute Berastegiko lotunean.