Gizartea -
HERIOTZA
Euskal jatorria duen 23 urteko mutil bat hilda aurkitu dute Chicagon
Duela astebetetik zebiltzan haren bila. Larunbatean, Halloween festa ospatzera atera zen lagunekin, eta gauerdian ikusi zuten azkenengoz. Ibaian aurkitu zuten, atzo, gorpua.
EITB MEDIA
Iñaki Bascaran euskal jatorria duen 23 urteko mutila hilda aurkitu dute Chicagon, ibai ertz batean. Larunbat gauean ikusi zuten azken aldiz, eta ordutik, haren bila zebiltzan.
Antza, Halloween festa ospatzera atera zen lagunekin, baina 23:00ak inguruan taberna batera joan zen bakarrik. Harrezkero, ez dute haren berririk izan, eta etxekoek salaketa jarri zuten. Poliziarekin batera, dozenaka herritar aritu dira gaztearen bila azken egunotan.
Elias Bascaran pilotari markinar ezagunaren biloba zen hildakoa
Chicagoko Poliziak ikerketa zabaldu du, gertatutakoa argitzeko.