Itxi

2021/11/23

10:44

Gizartea

KORONABIRUSA

Pedro Azpiazu, konfinatuta koronabirusean positibo emateagatik

N. B. | EITB Media

Sailburua ondo dago, baina bertan behera utzi du aurrez aurreko jarduera, azken egunotan oposizioko talde parlamentarioekin 2022ko euskal aurrekontuei babesa emateko negoziazio betean.

  • Pedro Azpiazu artxiboko argazki batean. EFE.

    Pedro Azpiazu artxiboko argazki batean. EFE.

  • Whatsapp
  • Whatsapp
  • Telegram
  • Bidali

Pedro Azpiazu Ogasun eta Ekonomia sailburua etxean konfinatuta dago koronabirusean positibo eman duelako, bere saileko iturriek EITB Mediari baieztatu diotenez.

Azpiazu ondo dago, baina etxean egon beharko du gaixotasuna gainditu arte, aipatu iturrien arabera.

Joan den ostiralean, azaroaren 19an, egin zuen azken agerraldi publikoa, 2022ko euskal aurrekontuei babesa emateko negoziazio betean, nahiz eta Eusko Jaurlaritza sostengatzen duten alderdiek, EAJk eta PSE-EEk, gehiengoa duten Legebiltzarrean aurrekontuak aurrera ateratzeko.

Sailburuak bertan behera utzi du aurrez aurreko jarduera, eta bideokonferentzia erabili beharko du alderdietako ordezkariekin beste kontakturen bat izan nahi badu, horien esanetan.

Seigarren olatuaren ondorioz, kasu positiboen kopuruak gora egin du Euskadi osoan. Duela gutxi, Markel Olano Gipuzkoako ahaldun nagusiak ere bertan behera utzi behar izan zuen agenda hamar egunez, covid-19an positibo eman ondoren.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.

  • Bisitatuena

      Kargatzen ikusiena
      Kargatzen ikusiena
    ;