Sei edukiontzi erre dituzte Pasaian

Hainbat lagunek sei edukiontzi erre dituzte gaur goizaldean Pasai San Pedron (Gipuzkoa) eta suak lau auto kaltetu ditu.

Herrizaingo Sailak jakitera eman duenez, 00:50 aldera kontainer bat erre dute Oiartzun kalean eta suhiltzaileek itzali dute.

Gero, 02:30ean, Andonesi eta Igeldo kaleak gurutzatzen diren puntuan, beste hiru kontainerri eman diete sua eta bertan zeuden hiru autok kalteak jasan dituzte.

Minutu batzuk ondoren, Urgull kalera joan dira eta beste bi edukiontzi erre dituzte. Hor ere auto bat kaltetuta suertatu da.

Ertzaintza, Udaltzaingoa eta suhiltzaileak elkarlanean aritu dira suteak itzaltzeko.