Itxi

2021/12/01

12:43

Gizartea

KORONABIRUSA

Covid ziurtagiria aste honetan jarriko dute martxan Euskadin

N. B. | EITB MEDIA

Osasun Sailaren agindu baten bidez jarriko da abian, Eusko Jaurlaritzak baimen judiziala ofizialki izan ondoren. Gaueko aisialdian eta 50 lagunetik gorako jatetxeetan izango du eragina.

  • Covid pasaportea

    Covid pasaportea.

  • Whatsapp
  • Whatsapp
  • Telegram
  • Bidali

Eusko Jaurlaritza Auzitegi Gorenaren epaia osorik jasotzeko zain dago, Eusko Jaurlaritzari arrazoia ematen diona, Euskadin covid ziurtagiria eskatzeko.

Iñigo Urkullu lehendakariaren ustez, gaur jasotzen ez badute, bihar jasotzea espero dute.

Covid ziurtagiriaren eskakizuna Osasun Sailaren agindu baten bidez jarriko dute martxan, Eusko Jaurlaritzak baimen judiziala ofizialki izan eta gero, eta ez luke LABIk erabaki beharko, lehendakariak zehaztu duenez.

Covid ziurtagiriak Euskadiko gaueko aisialdian eta 50 lagunetik gorako jatetxeetan izango du eragina.

Bestalde, Urkulluk asteazken honetan adierazi duenez, covid ziurtagiriaz gain, Eusko Jaurlaritzaren asmoa osasun larrialdia deklaratzea da, "adierazle jakin batzuek gomendatzen duten egoera batera iritsi garelako".

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;