Itxi

2021/12/07

09:39

Gizartea

Itzulera operazioa

DGTk itzulera aurreratzeko eskatu die penintsula iparraldeko bisitariei eta biztanleei

Agentziak | Eitb Media

Astearteko aire hotz eta elur fronteak penintsulako iparraldeko errepideetako joan-etorriak zaildu ditzake asteazken eta ostegunean, eta bigarren mailako errepideetan ez ezik, errepide nagusietan ere eragin dezake. Ondorioz, ezinbestekoa ez bada, autoa ez hartzeko eskatu dute.

  • Maquina quitanieves. EFE

    Maquina quitanieves. EFE

  • Whatsapp
  • Whatsapp
  • Telegram
  • Bidali

Trafikoko Zuzendaritza Nagusiak (DGT) itzulera aurreratu dezatela eta ez dezatela asteazkenera arte itxaron errepidera ateratzeko eskatu die Espainiako ipar partean zubiaz gozatzen ari diren pertsonei eta, iparraldean bizi arren, beste lurralde batzuetan dauden eta errepidez zirkulatu behar duten pertsonei.

Itzulerako bidaia aurreratzeaz gain, Trafiko Zuzendaritzak nabarmendu du oso garrantzitsua dela penintsulako iparraldean bizi diren gainerako herritarrek ezinbestekoak ez diren errepideko bidaia guztiak saihestea eta alerta meteorologikoak amaitu arte itxarotea.

Asteartetik aurrera, hotza eta elur-prezipitazioak utziko dituen fronte bat sartuko da, eta baliteke asteazken eta ostegunean penintsulako ipar partean errepideetan ibiltzeko zailtasunak izatea, eta ez soilik bigarren mailako errepideetan, baita errepide nagusietan ere.

Fronte hotzak aurrera egingo du penintsulako hego-ekialdetik eta Balear Uharteetatik, ahulduz joango da, baina mendebaldeko edo ipar-mendebaldeko fluxu hotza, hezea eta ezegonkorra utziko ditu. Fronte horrek elur-kota 400-800 metrora jaistea ekarriko du ipar muturrean, 600-900 metrora penintsularen erdialdean eta 1.000-1.400 metrora hego-ekialdean; hori dela eta, elurteak espero dira Kantauriar mendikatean, Pirinioetan, Iberiar Sisteman eta Erdialdeko Sisteman, baita toki garaietako eremu lauetan ere.

Elurte ugari espero dira ipar-mendebaldeko barnealdean, eta ez dira baztertzen Kantauri itsasoaren itsasertzean. Abenduaren 8ko lehen orduetatik, abisu aktiboak daude aipatutako guneetan elurteak espero direlako, eta egun osoan zehar izango dira.

  • Bisitatuena

      Kargatzen ikusiena
      Kargatzen ikusiena
    ;