Gizartea -
Don Benito herrian
Hiru lagun hil dira Badajozeko putetxe batean izandako tiroketa batean
Tabernako zerbitzari bat eta bi drograzale dira biktimak. Polizia jazotakoa ikertzen dabil. Krimenarekin lotutako lagun bat atxilotu dute dagoeneko eta beste baten atzetik daude.
Erredakzioa
Hiru lagun hil dira larunbat gauean Don Benitoko (Badajoz) 'Tabarin' putetxean izandako tiroketa baten ondorioz, Extremadurako Gobernuko ordezkaritzako iturriak zabaldu duenez.
Krimenarekin lotutako lagun bat atxilotu dute dagoeneko eta Polizia ihes egin duen beste lagun baten atzetik dabil. Hildakoei dagokionez, iturri berdinak argitu duenez, tabernako zerbitzari bat eta inguruetan zeuden bi drogazale izan dira biktimak. Litekeena da bi hauek Drogazalea Laguntzeko Don Benitoko Elkarteko eguneko zentroko egoiliarrak izatea.
Polizia jazoeraren nondik norakoak argitzen dabil. Hori dela eta, Alejandro Ramirez del Molino Extremaduran Gobernuko ordezkaria bertaratu da.