Gizartea -

Legez kanpoko tretza Getxon

200 amuko arrantza-aparailua atzeman dute Galean

Profesionalek arrantza-aparailua erabiltzeko baimena dute, baina partikularrek guztiz debekaturik dute. Lupia arrantzatzeko ohiko teknika da.

800 metro luzera eta 200 amuko tretza. Argazkia: Guardia Civil
800 metro luzera eta 200 amuko tretza. Argazkia: Guardia Civil
800 metro luzera eta 200 amuko tretza. Argazkia: Guardia Civil

Agentziak | EiTB Media

Whatsapp Facebook Twitter Telegram Email

Guardia Zibilak 800 metro luzera eta 200 amuko tretza atzeman du Galeako (Getxo, Bizkaia) itsaslabarretan.

Tretza arrantzuan nylon lerro bat botatzen da itsasora amuz josita. Arrantza selektiboa da, baina beste espezie batzuk harrapa ditzake, eta itsasoko  faunari zein florari kalteak eragin, denbora luzez jarrita baldin badago. Lupia arrantzatzeko ohiko teknika da.

Profesionalek metodoa erabili dezakete, baina asteburuan ezin da, atseden egunak baitira. Esparru partikularrean erabiltzea guztiz debekaturik dago.

Guardia zibilek iragan larunbat iluntzean aurkitu zuten Galeako itsaslabarretan. Asteburua zenez, kendu zuten.

800 metro inguruko luzera zuen arrantza-aparailuak. 10 edo 15 metroko amu bat zuen jarrita karramarroarekin. Ez zuen harrapakinik amuetan.

Guardia Zibilak herritarren laguntza eskatu du tretza jarri zuen pertsona identifikatzeko.

Hau zure interesekoa bada, baliteke beste gai hauek ere izatea
Getxo Bizkaia Gizartea Eguneko albisteak Albisteak Arrantza