Gizartea -

Koronabirusa

Covid-19ak bihotz-arazoetan eragindako atzerapausoez ohartarazi dute osasun langileek

Pandemiak hamar bat urte atzeratu du osasun kardiobaskularra, batez ere konfinamenduaren unerik garratzenetan. "Biziki mindutako" bihotzak artatu dituzte koronabirusaren ondorioz.

EITB Mediaren bideo batetik lortutako irudia.
EITB Mediaren bideo batetik lortutako irudia.
EITB Mediaren bideo batetik lortutako irudia.

Agentziak | EITB Media

Whatsapp Facebook Twitter Telegram Email

Covid-19aren pandemiak osasun kardiobaskularrean lorturiko aurrerapausoak oztopatu ditu. Konfinamenduaren unerik garratzenetan zehazki, hainbat osasun langilek ohartarazi dute nozitutako atzerapausoez. Julian Perez-Villacastinek, Espainiako Kardiologia Elkarteko presidenteak, nabarmendu du bihotza zein odol-hodiak kaltetzeaz gain, osasun langileengan ere izan duela eragina.

Gogoratu du eritasun kardiobaskularrak heriotza kausa nagusiak direla oraindik. "[Covid-19ak erakutsi digu] malgutasun handiagoz jokatzera ospitaleetan zenbait egoeren aurrean", gehitu du.

Ondorioz, Catheline Lauwersek, Valentziako Quirónsalud ospitaleko Kardiologia buruak, azaldu du iaz kateterismoak % 45 gutxiago egin zirela (kateter edo zundak sartzean datzan prozedura). Argitu du gaixo asko "ez zirela ospitalera ere bertaratzen"; askok etxean pairatzen zituzten bihotzekoak, bertan zenduz edo ospitalera iristerako egoera larrian izanez. "Biziki mindutako bihotzak artatu ditugu, duela 30 urte ikusi gabeko bihotzekoekin", azpimarratu du.

Zuzenean edo zeharka, covid-19ak pazienteen osasun kardiobaskularrean eragin du. Luis Gonzalez, Alikanteko Quirónsaludeko buruak, esan du gaixoak "beranduegi" iristen zirela, koronabirusarekin kutsatzeko beldurrez. Beldur horri birusak berak patologiak garatzeko arriskua gehitu behar zaio.

Bihotzekoak zein arritmiak eraginda, koronabirusak ez ditu salbuetsi paziente batzuk. Kausak oxigeno-faltan edo birus bertan egon liteke, azken honek patologia horiek agerraraziz.

Monitorizazioan aurrerapausoak

Hala eta guztiz ere, Gonzalezek nabarmendu du pandemiak "berasmatu" egin duela telemedikuntza kardiologia arloan. Taupada-markagailu edo desfibriladore gisako gailuek pazienteen jarraipena erraztu dute. Perez-Villacastinak esan du "abantaila handia" izan dela; "duela hamabost urte gertatu izan balitz, gauzak guztiz desberdinak ziratekeen".

Hau zure interesekoa bada, baliteke beste gai hauek ere izatea
Osasuna Gaixotasunak Gizartea albisteak Albisteak Gaur Albisteak COVID olatu berria