Itxi

2022/01/02

11:08

Gizartea

KORONABIRUSA

Positiboen konfinamendua 10etik 7 egunera jaitsiko da Iparraldean ere

AGENTZIAK| EITB MEDIA

Txertatutako herritarrei eragingo die neurriak. Hala iragarri du Frantziako Osasun ministroak gaur. Espainiar Estatuan iragan asteazkenean, abenduak 29, hartu zen erabakia.

  • Terraza bat Baionan. ETBko bideo batetik hartutako irudia.

    Terraza bat Baionan. ETBko bideo batetik hartutako irudia.

  • Whatsapp
  • Whatsapp
  • Telegram
  • Bidali

Frantziako Gobernuak covid-19an positibo ematen duten pertsona txertatuen konfinamendua 10 egunetik 7ra jaistea erabaki du.

"Konfinamendua bost egunera murriztu ahal izango da, proba negatibo ateraz gero. Txertatuta ez dauden herritarren 10 egunez bakartu beharko dute, eta zazpi egunera atera ahal izango dira baldintza bera betez gero, diagnostiko proban negatibo ematea, alegia" iragarri du Olivier Veran Osasun ministroak 'Journal du Dimanche' egunkariak zabaldu duenez.

Veranek jakitera eman duenez, pandemia hasi zenetik munduan kutsatze gehien izan dituen 6. herrialdea da une honetan Frantzia.

Azken 24 orduetan 219.126 kasu berri baieztatu dituzte.

Urtarrilaren 3tik aurrera, osasun protokoloa aldatuko da eskoletan eta ikasle batek positibo ematen badu, bi proba egin beharko dituzte ikaskideek eskola itzultzeko orain arteko bakarraren ordez. Gainera, 6 urtetik gorako haurrek derrigorrez maskara jantzi beharko dute.

Astelehenean hainbat neurri iragarri zituen Frantziako Gobernuak pandemiari aurre egiteko. Horien artean, telelana egitea derrigorrezkoa izango da astean 3-4 egunetan, posible den kasu guztietan.

Espainiar Estatuan ere 10etik 7ra jaistea erabaki zuten konfinamendua, asintomatikoen kasuan. Neurria indarrean da ostegunetik EAEn eta Nafarroan.

Kontuan izan osasun agintariek koronabirusaren aurrean eman dituzten aholkuak. Gaitzaren sintomarik baduzu, EAEn bizi bazara, osasun-zentrora deitu, eta zalantzarik izatekotan, Osasun Batzordearen telefonoa duzu eskuragarri: 900 20 30 50. Nafarroan bizi bazara, berriz, Osasun Batzordearen telefonora dei dezakezu: 948 290 290. Gogoratu covid-19a ez hedatzeko modurik eraginkorrena musukoa erabiltzea, espazioak aireztatzea, segurtasun-distantzia gordetzea eta eskuak sarri garbitzea dela.
  • Bisitatuena

      Kargatzen ikusiena
      Kargatzen ikusiena
    ;