Itxi

2022/01/02

20:06

Gizartea

gabonak

2022ko Errege Magoen kabalgatak pandemia egoerarekin bat egingo dira

i. l. k. | eitb media

Euskadiko hiriburuek indarrean dauden osasun neurriekin bat emango diete ongietorria Berorien Maiestateei.

  • Errege Magoak, iazko Gasteizera bisitan. Argazkia: EITB Media

    Errege Magoak, iazko Gasteizera bisitan. Argazkia: EITB Media

  • Whatsapp
  • Whatsapp
  • Telegram
  • Bidali

Errege egunaren bezpera hurbil delarik, Euskadiko hiriburuak gabonaldiko azken egunak segurtasunez gozatzeko prestatzen ari dira.

Iñigo Urkullu lehendakariak asteartean argitu zuenez, covid-19aren hedapena eteteko neurriek ez diete Errege Magoen kabalgatei eragingo. Lehendakariaren hitzetan, udalerri bakoitzeko arduradunek badakite arrisku egoeran dauden edo ez, "zer egin dezaketen" erabakitzeko.

Bilboko Udalak Gabonetako ikuskizun bat eskainiko du, 'Gau magikoa', Gabon gauean egin bezala. Ohiko kabalgata ordezkatuko du hala, bigarren urtez jarraian. Musika-emanaldiak lau pase izango ditu: 11:00etan, 13:00etan, 17:00etan eta 19:00etan. Gainera, oraingoan, 6.000 pertsonakoa izango da edukiera, alegia, iazko Gabonetan baino 4.000 pertsona gehiago. Hala, 1.500 pertsona sartuko dira pase bakoitzeko.

Bestalde, Gasteizek urtarrilaren 5eko kabalgataren ibilbidea moldatu du, Olentzeroren kalejirarekin hartutako erabaki bera hartuta. Errege Magoen desfilea 19:00etan hasiko da Los Herran kaletik, Jesus Guridirekin bat egiten duen bidegurutzean; eta Errege-erregina Katolikoen kalea, Simon Anda, Basoa eta Gasteiz Etorbidea zeharkatuko ditu, Justizia Jauregiaren parean amaitzeko.

Udalak nabarmendu duenez, ibilbide berriak ohiko bideak baino 700 metro gehiago izango ditu, "segurtasun neurriak betetzea" errazte aldera, "distantzia mantentzeko eta jende-pilaketak ekiditeko".

Gipuzkoako hiriburuari dagokionez, ez du kabalgataren inguruko berririk eman. Edonola ere, Donostiako Udalaren azken adierazpenekin bat, desfilea aurreikusita dago. Abenduaren 24an, Donostian ere luzatu zuten Olentzero eta Mari Domingiren ibilbidea, pilaketarik izan ez zedin.

  • Bisitatuena

      Kargatzen ikusiena
      Kargatzen ikusiena
    ;